ՀՀ իշխանությունները նախադրյալներ չեն տեսնում ընդդիմության բողոքների ֆոնին նոր ընտրություններ անցկացնելու։ Այս մասին «ՌԻԱ Նովոստի»-ին տված հարցազրույցում ասել է ՀՀ փոխվարչապետ Մհեր Գրիգորյանը։
Նրա խոսքով՝ 2021 թվականի խորհրդարանական ընտրությունները պատասխանել են հայաստանյան բողոքի շարժման մասնակիցների հնչեցրած բոլոր հարցերին։
«2021 թվականի հունիսին ՀՀ-ում անցկացված լիովին ժողովրդավարական, ազատ և օրինական խորհրդարանական ընտրությունները տվեցին բոլոր այն հարցերի պատասխանները, որոնք այսօր արծարծվում են փոքրամասնության բողոքի շարժմամբ»,- ասել է Գրիգորյանը:
Փոխվարչապետը հավելել է, որ երկրում տիրող իրավիճակը դրամատիզացնել պետք չէ։ Նա վստահություն է հայտնել, որ իրավիճակը կզարգանա օրինականությանն ու իրավունքին համահունչ։