Եվս մեկ անգամ պաշտոնապես հայտարարում եմ՝ Հայաստանի Հանրապետությունում կապիկի ծաղիկով վարակվածության որևէ դեպք չի գրանցվել։
Այս մասին տեղեկացնում է առողջապահության նախարարի մամուլի խոսնակ Հռիփսիմե Խաչատրյանը։
Կապիկի ծաղիկը կենդանիներից փոխանցվող վիրուս է։ Այս վիրուսը նման է բնական ծաղիկ վիրուսին:
Հիշեցնենք` ըստ Առողջապահության համաշխարհային կազմակերպության (ԱՀԿ)՝ վերջին շաբաթների ընթացքում աշխարհում արձանագրվել է կապիկի ծաղիկ հիվանդության շուրջ 80 դեպք առնվազն 12 երկրում և ևս 50 կասկածելի դեպք հետազոտվում է։
