Լեհաստանի նախագահ Անջեյ Դուդան Կիև կատարած այցի ընթացքում ելույթ է ունեցել Գերագույն ռադայում։ Նա դարձավ առաջին օտարերկրյա ղեկավարն, ով ելույթ ունեցավ ուկրաինացի պատգամավորների առջև Ուկրաինայի վրա Ռուսաստանի հարձակումից հետո։
Դուդան աջակցություն է հայտնել Կիևին և խոստացել ամեն ինչ անել, որ Ուկրաինան դառնա ԵՄ անդամ։ Նա նաև քննադատել է եվրոպացի քաղաքական գործիչներին, ովքեր կողմ են Ռուսաստանի հետ փոխզիջմանը։
«Բուչայից, Բորոդյանկայից, Մարիուպոլից հետո անհնար է Ռուսաստանի հետ վարվել այնպես, ինչպես նախկինում էր, պարոնա՛յք նախագահներ և վարչապետներ»,- ասել է Դուդան։
Անջեյ Դուդան Ուկրաինա է ժամանել մայիսի 22-ին:
Աղբյուրը՝ Azatutyun.am:
