Կարեն Դեմիրճյանի անվան մարզահամերգային համալիրում ազդարարեցինք Բռնցքամարտի Եվրոպայի առաջնության բացման մասին:
Այս մասին գրել է ՀՀ փոխվարչապետ Համբարձում Մաթևոսյանը՝ նշելով, որ միջոցառման ժամանակ հանդես է եկեկ ողջույնի խոսքով, որում, մասնավորապես, ասվում է.
«Սիրելի՛ հյուրեր,
Հայաստանի Հանրապետության կառավարության անունից ողջունում եմ բոլորիդ մեր երկրի սպորտի պատմության մեջ տեղի ունեցող այս աննախադեպ միջոցառմանը:
Շնորհակալություն եմ հայտնում Բռնցքամարտի միջազգային ֆեդերացիային և Եվրոպայի բռնցքամարտի կոնֆեդերացիային՝ Բռնցքամարտի Եվրոպայի 2022 թվականի առաջնությունը Հայաստանում անցկացնելու պատվին արժանացնելու համար:
Վստահեցնում եմ, որ Հայաստանն արել է առավելագույնը՝ առաջնությունը բարձր մակարդակով կազմակերպելու և այն սպորտային իրական տոնի վերածելու համար:
Համոզված եմ, որ այս օրերին ականատեսն ենք լինելու դիտարժան մենամարտերի, իսկ այս մրցաշարով ազդարարելու ենք Հայաստանում բռնցքամարտի զարգացման նոր փուլի մասին:
Սիրելի՛ հյուրեր,
Բռնցքամարտի Եվրոպայի 2022 թվականի առաջնությունը հայտարարում եմ բացված»:
Հիշեցնենք՝ մարզաձևի տարվա ամենակարևոր ստուգատեսին, որն անցկացվում է Երևանում, մասնակցելու է 39 երկրի մոտ 250 բռնցքամարտիկ:
