ՀՀ Ազգային ժողովի փոխխոսնակ, ՀՅԴ-ական Իշխան Սաղաթելյանը «Ֆեյսբուք»-ում գրառում է արել և հայտնել, որ ընդդիմադիր ուժերը այսօր հանրահավաք չեն անցկացնի:
«Վատ եղանակային պայմանները հաշվի առնելով՝ այսօր հանրահավաք և երթ նախատեսված չեն»,- գրել է Սաղաթելյանը:
Վերջինս նաև իրենց համակիրներին վաղը՝ առավոտյան 08:00-ին, հրավիրել է Ֆրանսիայի հրապարակ, քանի որ, ըստ նրա, կարևոր անելիք ունեն. «Իսկ նույն օրը՝ երեկոյան ժամը 19:00-ին, այս անգամ արդեն Սասունցի Դավթի արձանի մոտ կմեկնարկի մեր հանրահավաքը»:
Սաղաթելյանի փոխանցմամբ՝ այս շաբաթ ավանդական հանրահավաքները մեկնարկելու են Երևանի տարբեր վարչական շրջաններից՝ այդ վայրերում ապրող քաղաքացիներին ավելի լավ առիթ տալով միանալու շարժմանը:
