Երեւանի Աջափնյակ թաղամասում մետրոպոլիտենի կայարանի նախագծային աշխատանքների համար համայնքային բյուջեից 554 միլիոն դրամ կհատկացվի։ Նախագիծն այսօր հաստատվեց Երևանի քաղաքապետարանում կայացած ավագանու հերթական նիստին։
Երեւանի քաղաքապետի առաջին տեղակալ Լեւոն Հովհաննիսյանն էլ հավելեց, որ այս որոշմամբ ֆինանսավորվում է միայն նախագծման աշխատանքների առաջին փուլը: «Մենք խնդրել ենք, որ նախագծման աշխատանքների հետ կապված հստակ ժամկետ նշվի»,- ասաց փոխքաղաքապետը։
Հիշեցնենք՝ ապրիլի 28-ի Կառավարության նիստում Վարչապետ Նիկոլ Փաշինյանը նշել էր, որ Երևանի մետրոպոլիտենի Աջափնյակ կայարանը կառուցելու համար հայտարարված մրցույթում հաղթող կա: «Parking City Service» ընկերության կողմից Երևան համայնքին հասցված 850 մլն դրամի վնասի փոխհատուցման 750 մլն դրամը կուղղվի կայարանի նախագծման աշխատանքներին:
