Հայաստանի պետական հետաքրքրությունների ֆոնդի (ԱՆԻՖ) իրականացրած նախագծերը Հայաստանի տնտեսությանը որակական փոփոխություն են հաղորդում ու բիզնես միջավայր են բերում նոր մշակույթ:
ԱՆԻՖ-ի 2019-2021թթ. գործունեության ամփոփմանն այս մասին ասաց Հայաստանի պետական հետաքրքրությունների ֆոնդի խորհրդի նախագահ Տիգրան Ավինյանն՝ ընդգծելով, որ 2,5 տարիների ընթացքում ԱՆԻՖ-ի կողմից ստորագրվել են համագործակցության վերաբերյալ տասնյակից ավելի հուշագրեր և փաստաթղթեր միջազգային ճանաչում ունեցող ընկերությունների հետ:
«Մեծ հպարտություն է գիտակցել, որ իրականացրած նախագծերը Հայաստանի տնտեսությանը որակական փոփոխություն են հաղորդում: Արևային էներգետիկայից մինչև ավիահաղորդակցություն, գյուղատնտեսությունից մինչև զբոսաշրջություն. բոլոր ծրագրերը նպատակ ունեն ոլորտում սահմանել նոր չափորոշիչներ»,-ասաց նա:
Տիգրան Ավինյանի խոսքով՝ այն ծրագրերը, որոնք այսօր իրականացվում են ԱՆԻՖ-ի կողմից, Հայաստանի բիզնես միջավայր են բերում նոր մշակույթ, նոր հնարավորություններ, տնտեսական ակտիվության նոր ալիք։
ԱՆԻՖ-ի գործադիր տնօրեն Դավիթ Փափազյանը նշեց, որ Հայաստանի առջև ծառացած աննախադեպ մարտահրավերների բարդ ժամանակահատվածում ԱՆԻՖ-ի շնորհիվ կյանքի են կոչվել երկրի համար ռազմավարական նշանակություն ունեցող երկու խոշոր ներդրումային ծրագրեր, որոնցից մեկը՝ Մասդար ընկերության հետ համատեղ «Այգ-1» 200 մՎՏ հզորությամբ արևային կայանի ծրագիրը Արագածոտնի մարզի Թալին և Դաշտադեմ համայնքների տարածքում:
«Այգ 1-ը Հայաստան է բերում էներգահամակարգի արդյունավետության երկրաչափական աճ։ Պատկերացնելու համար՝ Մասդարի հետ մեր համատեղ առաջին ծրագիրն ապահովելու է Հայաստանի էլեկտրաէներգիայի մատակարարման մոտ 7 տոկոսը։ Հաշվի առնելով քննարկվող ևս 201 մեգավատ հզորությամբ ծրագիրը, այս անգամ արդեն զինված մարտկոցներով, մենք խոսում ենք Հայաստանի էներգետիկայի բնագավառում իրական հեղափոխության մասին»,-ասաց տնօրենը։
Նրա խոսքով մյուս խոշոր ծրագիրը, դա Էյր Արաբիա ընկերության հետ համատեղ «Ֆլայ Արնա հայկական ազգային ավիաուղիներ» ավիաընկերության ստեղծումն է:
«Մեր գործընկեր Էյր Արաբիան իր հետ բերում է անվտանգության, սպասարկման որակի, բիզնես մշակույթի այնպիսի չափանիշներ, որոնց դրական ազդեցությունը շուկայի որակի վրա զգացվելու է անմիջապես և մնալու է ընդմիշտ»,-ասաց Դավիթ Փափազյանը:
Միջոցառմանը ներկա է գտնվել նաև ՀՀ վարչապետ Նիկոլ Փաշինյանը:
Հոկտեմբերի 8-ին Բեռլինում ՀՀ ԱԳ նախարարի տեղակալ Վահան Կոստանյանը մասնակցել է Բեռլինի Կլիմայի և անվտանգության…
Վրաստանի նախագահ Սալոմե Զուրաբիշվիլին դեմ չէ երկրորդ ժամկետով վերընտրվելուն, եթե ընդդիմությունը հաղթի հոկտեմբերի 26-ին կայանալիք…
ՀՀ վարչապետի մամուլի քարտուղար Նազելի Բաղդասարյանը իր էջում մանրամասներ է հայտնել Փաշինյան-Պուտին հանդիպումից: «Վարչապետ Փաշինյանը ՌԴ…
Պրագմատիկ քաղաքականությունը և Ռուսաստանի հետ հակամարտության խաղաղ կարգավորումը գլխավոր առաջնահերթություններից են. հայտարարել է Վրաստանի վարչապետ…
Իտալիայի հավաքականի, «Ինտերի», «Յուվենտուսի» և «Նապոլիի» նախկին ֆուտբոլիստ Ֆաբիո Կանավարոն խոսել է իտալական A սերիայի…
Վարչապետի մամուլի խոսնակ Նազելի Բաղդասարյանը մանրամասներ է հայտնել Նիկոլ Փաշինյանի և Վլադիմիր Պուտինի հետ հանդիպումից։…