ՀՀ ազգային ժողովը երկրորդ ընթերցմամբ քննարկեց կառավարության ներկայացրած օրենքի նախագիծը, որով սահմանվում է, որ լիզինգի պայմանագրում կարող է նախատեսվել լիզինգի առարկա հանդիսացող տրանսպորտային միջոցով պետական սահմանը հատելու արգելք կամ իրավունք:
Հայաստանի Հանրապետության քաղաքացիական օրենսգրքում լրացում կատարելու մասին և «Պետական սահմանի մասին» օրենքում լրացում կատարելու մասին օրենքների նախագծերի փաթեթն ԱԺ նիստում ներկայացրեց ՀՀ արդարադատության նախարարի տեղակալ Գրիգոր Մինասյանը:
«Նախատեսվում է լիզինգատուին և լիզինգառուին հնարավորություն տալ լիզինգի պայմանագրով սահմանելու լիզինգի առարկա հանդիսացող տրանսպորտային միջոցով պետական սահմանը հատելու իրավունքը կամ դրա սահմանափակումը: Համապատասխանաբար Պետական սահմանի մասին օրենքում լրացում կատարելու մասին նախագծով առաջարկվում է սահմանել լիզինգի առարկա տրանսպորտային միջոցների բացթողնման արգելք այն դեպքում, երբ լիզինգի պայմանագրով ամրագրվել է լիզինգառուի կամ վերջինիս լիազորած անձի կողմից տրանսպորտային միջոցի ելքի իրավունքի սահմանափակումը ՀՀ-ից»,-ասաց Մինասյանը:
Գործող իրավանորմերը չեն կարգավորում լիզինգառուի կամ նրա կողմից լիազորված անձի կողմից լիզինգի առարկա հանդիսացող տրանսպորտային միջոցով ՀՀ սահմանը հատելու հետ կապված պրակտիկ խնդիրները: Արդյունքում լիզինգառուն կարող է ցանկացած պահի լիզինգի առարկա հանդիսացող տրանսպորտային միջոցով հատել սահմանը՝ այդպիսով ռիսկի տակ դնելով լիզինգի առարկա հանդիսացող տրանսպորտային միջոցի իրացվելիությունը:
Մինասյանը տեղեկացրեց, որ լիզինգային ընկերություններից մեկը ներկայացրել է, որ վերջին 1 տարվա ընթացքում կնքել է 303 տրանսպորտային միջոցի լիզինգի պայմանագիր, արդյունքում 14 տրանսպորտային միջոց հատել է ՀՀ պետական սահմանը, դրանով ռիսկի տակ է դրվել լիզինգի պայմանագրի առարկա հանդիսացող տրանսպորտային միջոցի հետ կապված վերադարձելիությունը:
Նախագծով նախատեսվում է, որ լիզինգառուն հնարավորություն չի ունենա լիզինգի առարկա տրանսպորտային միջոցով հատել պետական սահմանը, եթե կնքված պայմանագրով նախատեսվում է նման արգելք:
Իսրայելի պաշտպանության բանակը Լիբանանից մոտ 90 հրթիռի արձակում է արձանագրել երկրի հյուսիսային տարածքներ, չորեքշաբթի հայտնել…
Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել են էլեկտրաէներգիայի մատակարարման որակի…
Ուկրաինայի նախագահ Վոլոդիմիր Զելենսկին պատրաստ է որդեգրել ավելի ճկուն մոտեցում և քննարկել Ռուսաստանի հետ բանակցությունների…
Ֆլորիդայում մեկ օրվա ընթացքում կանխատեսվում է Երևան քաղաքում 10 ամսվա ընթացքում թափվող տեղումների քանակ: Այս…
Թուրքական ավիաուղիներ ընկերության օդաչուն Սիեթլ-Ստամբուլ չվերթի ժամանակ մահացել է, հայտնում են տեղի լրատվամիջոցները։ Նշվում է,…
Իսրայելի պաշտպանության նախարար Յոավ Գալանտը հետաձգել է չորեքշաբթի նախատեսված այցը Միացյալ Նահանգներ՝ վարչապետ Բենիամին Նեթանյահուի…