Ընդդիմադիր թեւը առիթը բաց չի թողնում շահարկումներ անելու խախաության օրակարգի բանակցային գործընթացի վերաբերյալ: Այնպիսի վստահությամբ են խոսում բանակցային թեմաների մասին կարծես, թե բանակցողները հենց իրենք են: Այս մասին այսօր ԱԺ-Կառավարություն հարցուպատասխանի ընթացքում հայտարարեց «Քաղաքացիական պայմանագիր» խմբակցության պատգամավոր Լիլիթ Կիրակոսյանը։
Ապա պատգամավորը թեմայի վերաբերյալ հարց ուղղեց Արտքին գործերի նախարար Արարատ Միրզոյանին. «Ասեք վերջապես, մեր վերջնական պատկերացումները խաղաղության վերաբերյալ, ինչպես նաեւ մեր, Ադրբեջանի, միջնորդների՝ Ռուսաստան, արեւմուտ, ԵԱՀԿ: Ո՞ր պատկերացումներն են համընկնում, որոնք՝ ոչ»:
Պատասխանելով Կիրակոսյանի հարցին Արարատ Միրզոյանը նկատեց՝ իականում այդ հարցը բանակցային գործընթացի գրեթե բոլոր նրբերանգների մասին էր, ուստի ինքը կդժվարանա բոլոր ենթահարցերին պատասխանել:
«Կարող եմ ասել միայն, որ այն, ինչ ըստ էության, կա Հայաստան- Ադրբեջան բանակցային, կա՛մ ենթադրյալ բանակցային սեղանին բաբականին թափանցիկ եւ հրապարակային է: Կան մի քանի ուղղություններ, որոնցով արդեն ունենք որոշակի առաջընթաց եւ կան ուղղություններ, որտեղ դեռ փորձում ենք հասկանալ դիրքորոշումների հնարավոր համընկումները: Սահմանազատման եւ սահմանային հարցերի ուղղությամբ կա որոշակի առաջընթաց կա»,-ասաց Միրզոյանը:
Խոսելով տեսակետերի երկկողմանի համընկումների մասին նկատեց՝ խոսքը տրանսպոտային եւ տնտեսական կառուցվածքների բացման մասին է. «Այստեղ որոշակի պատկերացումների համընկումներ կան: Բոլոր բացվելիք ճանապարհները պետք է լինեն եւ մնան այն երկրների սուվերենության ներքո, որոնցով անցնում են»:
Միրզոյանը նաեւ նկատեց՝ Հայաստանի համար անընդունելի է Ադրբեջանի տրամաբանությամբ ներկայացվող հայտարարությունները Զանգեզուրի միջանցքի վերաբերյալ, որոնք տեւական ժամանակ է շրջանառվում է:
