«Ցյուրիխում հասցրեցի տեսնվել մեր սիրելի հայրենակիցներից Վարդան Սերմաքեշի հետ։ Երկար եւ ծանր դադարից հետո խոսելու շատ նյութ ունեինք»։
Այս մասին գրել է ՀՀ վարչապետի տիկին Աննա Հակոբյանը՝ շարունակելով.
«Ջերմությամբ եմ հիշում 2018, 2019 թվականների այցերս Շվեյցարիա՝ մասնավորապես Ժնեւի հայ համայնքի ներկայացուցիչների հետ շփումներս։ Անհամբեր սպասում եմ նրանց բոլորին կրկին՝ առողջ եւ լավ տրամադրությամբ տեսնելու հնարավորությանը»:
Հիշեցնենք՝ Աննա Հակոբյանը պաշտոնական այցով Շվեյցարիայում է:
Նշենք, որ Վարդան Սերմաքեշը «Franck Muller» ընկերության համասեփականատերը և գլխավոր տնօրենն է։ Ընկերությունը Հայաստանում կատարել է 1.3 միլիոն ԱՄՆ դոլարի ներդրում, ինչի արդյունքում կազմակերպվել է ժամացույցների կորպուսների և ոսկյա զարդերի արտադրություն։
