Թիվ 1 ստուդիան հյուրընկալել է քաղաքագետ Ռոբերտ Ղևոնդյանին։
Պարոն Ղևոնդյանը նշեց, որ Հայաստանը փորձում է Արցախի խնդիրը տեղափոխել միջազգային հանրության համար բավական ընկալելի և պարզ, հասկանալի դաշտ, անվտանգության, մարդու իրավունքների, էթնիկ խմբի գոյատևման դաշտ, և ես կարծում եմ ինչ-որ ժամանակ հետո փորձել ցույց տալ, համոզել, ապացուցել միջազգային հանրությանը, որ այս խնդիրները հնարավոր չի լուծել, եթե Արցախը գտնվի Ադրբեջանի կազմում։
Այսինքն՝ այն խոսքը, թե Արցախի Ադրբեջանի կազմից դուրս գտնվելու հարցից Հայաստանը հրաժարվել է՝ ճիշտ չէ, ուղղակի Հայաստանը այդ հարցին մոտենում է այլ անկյունից։
Նա նաև հավելեց, որ Արցախը և Հայաստանը ձևավորված աշխարհաքաղաքական իրավիճակում, տարածաշրջանային իրավիճակում պարտադիր չէ, որ ունենան նույն մոտեցումը և պարտադիր չէ, որ գտնվեն նույն հարթության մեջ տարբեր խնդիրներ քննարկելիս, և սա կարող է մեր դիվանագիտությունը ուղղակի օգտագործել։
Հայաստանի դիվանագիտությունը կարող է այդ հնարավորությունից օգտվել, և նշել, որ գուցե և մենք համաձայնվեինք, բայց Արցախի ժողովուրդը իրենք են որոշողը, իրենց խնդիրն է, իրենք դեմ են, Արցախը դեմ է արտահայտվում, այսինքն սա դիվանագիտական ճկունություն է տալիս Հայաստանին։
