Հայաստանի ու Արցախի խորհրդարանների նախկին պատգամավոր Վահրամ Աթանեսյանը գրել է
«Հիմա էլ ով չի ծուլանում, իրեն բանից անտեղյակ է ներկայացնում, բոլորի հետ «Ղարաբաղի ողբ» ողբում: Լսեք, հա՞: Դուք չե՞ք մի գիշերում «Ազատ հայրենիք» խուժանակցություն ստեղծել եւ 2005թ. պառլամենտի ընտրություններում նրան միանգամից երկրորդ տեղ կցագրել: Դուք չե՞ք 2007-ին «Ազատ հայրենիքի» հետ նախագահի միասնական թեկնածու առաջադրել, եւ Ստեփանակերտի քաղաքական համակարգը դարձրել իմպոտենտ-ներքինացված:
Դուք չե՞ք 2017-ին ԼՂՀ սահմանադրական կարգը տապալել, տասը տարի պաշտոնավարած երրորդ նախագահին եւս երեք տարվա լիազորություններ շնորհել: Անում էիք՝ հինգ տարով միապետ կարգեիք, ինչու՞ հենց մինչեւ 2020թ. մայիս պիտի նա մնար: Արայիկ Հարությունյանը լուսնից չի իջել, ձեզնից մեկն է, բայց 2019-ին կողմ էր, որ Սամվել Բաբայանը նախագահի թեկնածու գրանցվի, կողմ էր իր եւ նրա արդար մրցակցությանը:
Դուք եք ձախողել այդ հնարավորությունը: Որովհետեւ էդ մրցակցությունից մեկը՝ հաղթած, մյուսը պարտված չէր դուրս գալու, կազմավորվելու էր քաղաքական տանդեմ, կոալիցիա, ձեւավորվելու էր հանրային առողջ կոնսոլիդացիա: Էդ ֆոնին դուք մնալու էիք նույնիսկ լուսանցքից դուրս: Կարգի բերեք ձեզ եւ մի ստիպեք ավելին ասել: Ձեր լեզվով ասած՝ «առայժմս»: