Արցախի նախագահ Արայիկ Հարությունյանն այսօր հանդիպում է ունեցել Փարիզի քաղաքապետ Անն Իդալգոյի հետ Սյունիքում՝ Գորիս քաղաքում։
Անն Իդալգոն նշել է, որ Փարիզը պատրաստակամ է գործադրել անհրաժեշտ ջանքեր Արցախի ժողովրդին մարդասիրական ծրագրերի շրջանակում աջակցություն ցուցաբերելու համար, հաղորդում է նախագահի աշխատակազմը։
Այնուհետև տեղի է ունեցել ընդլայնված կազմով հանդիպում, որին մասնակցել են Արցախի օրենսդիր և գործադիր մարմինների ներկայացուցիչներ, Ֆրանսիայում ՀՀ դեսպան Հասմիկ Տոլմաջյանը, ՀՅԴ Բյուրոյի անդամներ, Ֆրանսիայի հայկական կազմակերպությունները համակարգող խորհրդի պատասխանատուներ, Սյունիքի մարզպետ Ռոբերտ Ղուկասյանը և այլք:
Ըստ հաղորդագրության՝ քննարկվել է հումանիտար բնույթի հարցերի լայն շրջանակ:
