Եվրոպական միության երկրները քննարկում են ռուսական նավթի ներկրումն արգելելու հնարավորությունը, պայմանով, որ բացառություն արվի այդ հարցում առարկություններ ներկայացրած Հունգարիայի համար:
Համաձայնության պարագայում Եվրամիությունը կկարողանա ուժի մեջ մտցնել Ռուսաստանի նկատմամբ պատժամիջոցների վեցերորդ փաթեթը:
Ենթադրվում է, որ համաձայնությունը կարող է ձեռք բերվել Բրյուսելում այս կիրակի օրը Եվրամիության դեսպանների հանդիպման ընթացքում, ինչից հետո այն հաստատման կներկացվի մայիսի 30-ից 31-ը կայանալիք Եվրամիության ղեկավարների գագաթնաժողովին:
Հունգարիան կտրականապես դեմ է ռուսական նավթի էմբարգոյին, պնդելով, որ դա աղետալի հարված կհասցնի հունգարական տնտեսությանը:
Գագաթնաժողովի ընթացքում Եվրամիության լիդերները կքննարկեն պաշտպանության և էներգետիկայի խնդիրներն, ինչպես նաև պարենի հնարավոր ճգնաժամը, որը կարող է առաջանալ ռուս-ուկրաինական պատերազմի հետևանքով:
Աղբյուրը՝ Azatutyun.am:
