Հայաստանի նկատմամբ տուրիստական հետաքրքրության դինամիկային զուգահեռ՝ ռուս-ուկրաինական հակամարտության ֆոնին, ռուսաստանաբնակ մեծ թվով քաղաքացիներ տեղափոխվեցին Հայաստան՝ մշտական կամ ժամանակավոր՝ տեղափոխելով նաև իրենց բիզնեսները։
Սա տնտեսության աշխուժացման առումով հրաշալի հնարավորություն էր, և Հայաստանը որպես պետություն և հանրությունը որպես այսպես ասած հյուրընկալող կողմ պետք է անի առավելագույնը, որպեսզի ՀՀ ժամանողները հնարավորինս երկար կամ ընդմիշտ մնան մեր երկրում։ Այս ակտիվության և արևմտյան պատժամիջոցների ֆոնին, որտեղ դոլլարով շարժը գրեթե բացառված է, Հայաստան այցելած քաղաքացիները գնում և դուրս են բերում Հայաստանից մեծ, կարելի է ասել աննախադեպ քանակությամբ արտարժույթ՝ մասնավորապես դոլլար։ Աննախադեպ ծավալները իրենց մեջ իրական վտանգներ են պարունակում, ինչը անհանգստացրել է բանկային մասնագիտական շրջանակներին։
Պետությունը այստեղ ունի անելիք և կարգավորիչ գործիքներ կիրառելու պարտականություն, այլապես ահագնացող այս տեմպերը ոչ միայն կարող են վտանգել Հայաստանի ամենակայացած համակարգերից մեկի բնականոն աշխատանքը, այլ նաև պետության համար խնդիրներ ստեղծել արևմտյան գործընկերության շրջանակներում։
Թիվ 1-ը այս հարցով մոտ օրերին կներկայացնի ավելի ծավալուն անդրադարձ։
