ԵՄ -ն որոշել է ձեռք բերել կապիկի ծաղիկի դեմ պատվաստանյութ և դեղամիջոց

 ԵՄ -ն որոշել է ձեռք բերել պատվաստանյութ և հակավիրուսային դեղամիջոց կապիկի ծաղիկի դեմ: Ինչպես տեղեկացնում է ՏԱՍՍ-ը, այս մասին Dagens Nyheter թերթին տված հարցազրույցում հայտնել է Շվեդիայի պատվաստման հարցերով համակարգող Ռիկարդ Բերգստրյոմը:

«Մի քանի հանդիպումներից հետո որոշում է կայացվել, որ մենք կգնենք և պատվաստանյութ, և հակավիրուսային դեղամիջոց»,- ասել է նա:

Dagens Nyheter թերթի տեղեկատվության համաձայն ԵՄ-ն կգնի դանիական «Bavarian Nordic»  ընկերության Tecovirimat դեղամիջոցը և ամերիկյան «Siga Technologies» ընկերության Imvanex դեղամիջոցը: Բերգստրյոմի խոսքով ՝ ԵՄ-ն դեռ պայմանագիր չի ստորագրել արտադրողների հետ:

«Բայց գործընթացը արագ կանցնի։ Մեզ մոտ, հավանաբար, պայմանագիրը պետք է պատրաստ լինի մեկ շաբաթվա ընթացքում, հունիսին հնարավոր է լինեն փոքր առաքումներ: Հետո մենք պետք է առաջնահերթություններ դնենք այն հարցում, թե որ երկրներն են դրա կարիքն ամենաշատը զգում», – շարունակել է նա: