ՄԱԿ-ը հրապարակել է Հայաստանի 2021 թ.-ի տարեկան արդյունքների զեկույցը:
Փաստաթղթում նշվել է, որ նախորդ տարի Հայաստանը կրել է աննախադեպ կրկնակի ճգնաժամերի՝ COVID-19 համավարակի և Լեռնային Ղարաբաղի հակամարտության ազդեցությունը։ Այս համընկնող ճգնաժամերը մի շարք զգալի հարվածներ հասցրեցին ողջ բնակչությանը՝ մարդկային զգալի կորուստներ, հսկայական տնտեսական և սոցիալական ծախսեր, որոնք հատկապես ազդում են խոցելի համայնքների վրա:
Զեկույցում շեշտվում է, որ մարդասիրական արձագանքման միջոցառումները և տեղահանվածներին ճգնաժամը, Հայաստանի և Ադրբեջանի միջև սահմանների սահմանագծումը և սահմանազատումը, հայ ռազմագերիների վերադարձը դարձել են երկրի գլխավոր առաջնահերթությունները:
Նշվում է, որ 2021 թվականի հունիսին կայացած արտահերթ խորհրդարանական ընտրություններում իշխող «Քաղաքացիական պայմանագիր» կուսակցության հաղթանակը նոր լեգիտիմություն հաղորդեց կառավարությանը։
Ըստ ՄԱԿ-ի զեկույցի՝ չնայած ձգձգվող աշխարհաքաղաքական լարվածությանը և մարդասիրական խնդիրներին՝ 2021 թ. Հայաստանը սկսել է վերականգնվել: Տնտեսությունը, որը զգալիորեն տուժել էր համավարակի ընթացքում, նախորդ տարվա երկրորդ կեսից սկսել է վերակնգնման նշաններ ցույց տալ։
ՄԱԿ-ի զեկույցում ներկայացված են ՄԱԿ-ի և Հայաստանի միջև 2021թ․-ի համագործակցության արդյունքները:
