Դիմադրության շարժման առաջնորդներից Իշխան Սաղաթելյանն այսօր հայտնել է, որ պայքարը հասել է կարևոր հանգրվանի, և մինչև վաղվա ԱԺ արտահերթ նիստը պարզ կլինի, թե ով է միացել ընդդիմության պայքարին։ Նա նշել է, որ բոլորը դեռ ժամանակ ունեն։
«Վաղը ժամը 16։00-ին կրկին պետք է հավաքվել Ֆրանսիայի հրապարակում և նախ աջակցել ընդդիմադիր ֆրակցիաների մեր պատգամավորներին և ապա՝ կախված խորհրդարանում տեղի ունեցող գործընթացներից, որոշել մեր հաջորդ անելիքները։ Վաղը մենք բոլորս ունենալու ենք Արցախի և հայ-թուրքական հարաբերությունների հարցում սեփական ընտրությունը կատարած բոլոր գործիչների անուն-ազգանունները»,- նշել է Սաղաթելյանը։
