Ես հրավիրվել եմ Քննիչ հանձնաժողով և միանգամից ընդունել եմ հրավերը․ Թ․ Հակոբյան

«Շաբաթներ առաջ ես հրավիրվել եմ 2020 թվականին Ադրբեջանի կողմից սանձազերծված պատերազմի հանգամանքներն ուսումնասիրող Քննիչ հանձնաժողով և միանգամից ընդունել եմ հրավերը: Հրավիրվել եմ որպես փորձագետ:

Ավելին, խորհրդարանում թողնելու եմ Արցախյան հակամարտության, պատերազմների, բանակցային գործընթացի, տասնյակ փաստաթղթերի մասին իմ ունեցած հնարավոր ամբողջ տեղեկատվությունը, ամբողջ ինստիտուցիոնալ հիշողությունը:

Վերջին տարիներին Արցախյան կարգավորման թեմայով 100-ից ավելի ելույթներ, դասախոսություններ եմ ունեցել Հայաստանում/Արցախում և աշխարհի մի քանի տասնյակ երկրներում, բայց Քննիչ հանձնաժողովի առաջ իմ ելույթին լավագույնն եմ պատրաստվում:

Իմ վերաբերմունքը գործող, նախկին, նրանից նախկին և ավելի նախկին իշխանությունների, կոմունիստների հանդեպ որևէ կերպ ինձ չեն կաշկանդում: Ես որևէ իշխանության ժամանակ որևէ պաշտոն չեմ ունեցել և եղել եմ լրագրող»,- գրել է  լրագրող Թաթուլ Հակոբյանը։