Մոսկվայում հրդեհ է բռնկվել «Grand Setun Plaza» բիզնես կենտրոնում։
Ինչպես հայտնում է ТАСС-ը՝ վկայակոչելով աղբյուրին, հրդեհը տարածվել է առաջինից չորրորդ հարկերում։
Հրդեհի բռնկումից հետո տարհանում է սկսվել, սակայն մարդիկ դեռ շարունակում են մնալ շենքում։ Ինչպես հայտնում է «Ինտերֆաքս»-ը, նրանք կարող են արգելափակված լինել կրակով վերին հարկերում։
«Շենքի երեսպատումն ու մեկուսացումը կատարվում է սինթետիկ հնացած նյութերի միջոցով՝ ցածր հրդեհային դիմադրության աստիճանով: Հարդարման մեջ կա նաև շատ սինթետիկ նյութեր: Դա նպաստում է կաուստիկ և շատ թունավոր ծխի արտանետման, որը հիմնական սպառնալիքն է ներսում գտնվող մարդկանց համար»,- ասել է «Ինտերֆաքս»-ի աղբյուրը:
Հրդեհին տրվել է հինգերորդ՝ առավելագույն բարդության կարգ, գրում է РБК-ն։
Աղբյուրը՝ Meduza.io:
Թարգմանեց՝ Աստղ Խաչատրյանը։
