Ալավերդի քաղաքում ապրիլի 25-ին Դեբեդ գետում հայտնված 2-ամյա Արևը դուրս է գրվել «Սուրբ Աստվածամայր» ԲԿ-ից և տեղափոխվել ՀՕՖ (Հայ օգնության ֆոնդ) խնամքի կենտրոն:
Այս մասին գրառում է կատարել «Սուրբ Աստվածամայր» բժշկական կենտրոնի մամուլի քարտուղար Գևորգ Դերձյանը՝ շնորհակալություն հայտնելով կենտրոնի ողջ անձնակազմին:
«Մեկ ամսից ավելի է մեր բժիշկները ոչ միայն բուժեցին նրան, այլև տվեցին ծնողական խնամք և ջերմություն»,- նշված է Դերձյանի գրառման մեջ:
Նշենք, որ ապրիլի 25-ին մոր կողմից Դեբեդ գետը նետված փոքրիկ Արևիկը ծայրահեղ ծանր վիճակով տեղափոխվել էր հիվանդանոց: Նրա մոտ առկա էին որովայնի և կրծքավանդակի սալջարդ, ջրահեղձություն:
Փոքրիկի մայրը կալանքի տակ է:
