Խորհրդարանական ընդդիմության հրավիրած արտահերթ նիստը, որի օրակարգում մեկ հարց էր տեղի չունեցավ: Պատգամավորները քվորում չէին ապահովել, նիստին ներկա էր 33 պատգամավոր:
ԱԺ նախագահ Ալեն Սիմոնյանը հայտարարեց, որ ԱԺ Կանոնակարգ սահմանադրական օրենքի 51-րդ հոդվածի 4-րդ մասի համաձայն գրանցումը շարունակվում է մինչև անհրաժեշտ թվով պատգամավորների գրացնումը, բայց ոչ ավելի քան 4 ժամ:
Հիշեցնենք, որ արտահերթ նիստ գումարելու նախաձեռնությամբ էին հանդես եկել ԱԺ ընդդիմադիր խմբակցությունների պատգամավորները: Օրակարգում ընդգրկված է մեկ հարց՝ «Հայաստան» և «Պատիվ ունեմ» խմբակցությունների ներկայացրած «Հայ-ադրբեջանական եւ հայ-թուրքական հարաբերությունների կապակցությամբ» Ազգային ժողովի հայտարարության նախագիծը:
«Քաղաքացիական պայմանագիր» խմբակցությունն էլ օրեր առաջ հայտարարել էր, որ չի պատրաստվում մասնակցել ընդդիմության հրավիրած նիստին:
