CNBC հեռուստաընկերության փոխանցմամբ, Նյու Յորքի դաշնային դատավորը վավերացրել է ռուսաստանցի մեծահարուստ Ռոման Աբրամովիչին պատկանող երկու մասնավոր օդանավերի վրա կալանք սահմանելու ԱՄՆ-ի արդարադատության նախարարության հրամանագիրը:
CNBC-ի փոխանցմամբ, խոսքը Boeing 787-8 Dreamliner և Gulfstream G650ER օդանավերի մասին է: Համաձայն դատարանի տվյալների, Boeing-ը գտնվում է Դուբայում, իսկ Gulfstream-ը՝ Ռուսաստանում:
Աբրամովիչը ներառված չէ Ռուսաստանի նկատմամբ Միացյալ Նահանգների սահմանած պատժամիջոցների ցանկերում, բայց մարտ ամսին ֆինանսների նախարար Ջանեթ Ելենը չի բացառել դրա հնարավորությունը:
Մարտի 10-ին Աբրամովիչի նկատմամբ պատժամիջոցներ են սահմանել Մեծ Բրիտանիայի իշխանությունները, մարտի 15-ին էլ այդ քայլին Եվրամիությունն է դիմել:
