«Հանուն հանրապետության» կուսակցության նախագահ Արման Բաբաջանյանն այսօր տեղի ունեցած միջադեպի առթիվ ներողություն է խնդրել ՀՀ առողջապահության նախարար Անահիտ Ավանեսյանից:
Այս մասին Բաբաջանյանը գրել է.
«Մենք էլ ենք պատգամավոր եղել, մենք էլ ենք շատ նախարարներից դժգոհ եղել, բայց մի հատ ձեր վարքը նայեք, ձեր տոնը, ձեր հարցադրումները…
Տհաճ միջադեպի առթիվ ներողություն եմ խնդրում տիկին նախարարից և հայ կնոջ կերպարի հետ ոչ մի աղերս չունեցող էս տեսակին ընտրած և այս պահին մեծ ափսոսանք ապրող ընտրողներից»:
Ավելի վաղ հայտնել էինք, որ այսօր ՀՀ Ազգային ժողովի «Հայաստան» և «Պատիվ ունեմ» խմբակցության պատգամավորներ Քրիստինե Վարդանյանը, Ասպրամ Կրպեյանը և Աննա Մկրտչյանը ներս էին խուժել Կառավարության 3-րդ մասնաշենքում գտնվող առողջապահության նախարարության շենք։
Վերջիններս, չենթարկվելով շենքում անվտանգության ծառայություն իրականացնող ոստիկանների օրինական պահանջներին, նրանց խնդրանք-հորդորներին, անցնել էին անվտանգության ձողերի տակով, շարժվել դեպի առողջապահության նախարար Անահիտ Ավանեսյանի աշխատասենյակ, մտել նիստերի դահլիճ, վիրավորել նախարարին և գետնին թափել 44-օրյա պատերազմի ժամանակ զոհված տղաների մասունքների լուսանկարները:
