Ընդդիմադիր պատգամավորները տարբեր հանցագործությունների համար կալանավորված իրենց ցուցակի գործընկերների նկարները դաջում էին շապիկներին, իսկ այսօր զոհված զինվորների նկարները շպրտել են առողջապահության նախարարի ուղղությամբ:
Այս մասին գրել է ՀՀ ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյանը:
Գրառման մեջ նաև ասված է.
«Մի տեղ հանդիպեցի, որ Գեղամ Մանուկյանն արդարանում է, թե տղերքի լուսանկարները չեն, այլ մասունքներինն են: Ավելի վատ, պարոնայք, ավելի վատ։
Դուք «քաղաքական իմպոտենտներ» եք՝ սպառված, մաշված ու պիտանելիության ժամկետն անցած»։
Ավելի վաղ հայտնել էինք, որ այսօր ՀՀ Ազգային ժողովի «Հայաստան» և «Պատիվ ունեմ» խմբակցության պատգամավորներ Քրիստինե Վարդանյանը, Ասպրամ Կրպեյանը և Աննա Մկրտչյանը ներս էին խուժել Կառավարության 3-րդ մասնաշենքում գտնվող առողջապահության նախարարության շենք։
Վերջիններս, չենթարկվելով շենքում անվտանգության ծառայություն իրականացնող ոստիկանների օրինական պահանջներին, նրանց խնդրանք-հորդորներին, անցնել էին անվտանգության ձողերի տակով, շարժվել դեպի առողջապահության նախարար Անահիտ Ավանեսյանի աշխատասենյակ, մտել նիստերի դահլիճ, վիրավորել նախարարին և գետնին թափել 44-օրյա պատերազմի ժամանակ զոհված տղաների մասունքների լուսանկարները:
