Գայանե Եղիազարյանը երդմամբ ստանձնեց պատգամավորական մանդատը՝ դառնալով «Քաղաքացիական պայմանագիր» խմբակցության պատգամավոր:
Այսօրվա ԱԺ արտահերթ նիստում նիստը վարող ԱԺ փոխնախագահ Ռուբեն Ռուբինյանը հայտնեց, որ ԿԸՀ-ն ներկայացրել է ԱԺ պատգամավոր ընտրված և լիազորությունները վաղաժամկետ դադարած պատգամավորի մանդատը հաջորդ թեկնածուին տրամադրելու մասին արձանագրությունը:
Ըստ դրա՝ մանդատը տրվում է ՔՊ կուսակցության ընտրական ցուցակի առաջին մասի հաջորդ թեկնածու Գայանե Եղիազարյանին:
ԱԺ կանոնակարգ օրենքի համաձայն՝ Եղիազարյանը երդվեց:
Նա խորհրդարանում փոխարինում է Անուշ Բեղլոյանին: Բեղլոյանը մանդատից հրաժարականի դիմում էր ներկայացրել մայիսի 23-ին:
