Արագ սննդի ռեստորանների նոր ցանցը, որը կփոխարինի McDonald’s-ին, իր համար լոգո է ընտրել։ Այս մասին հայտնում է Известия-ն՝ ընկերության մամուլի ծառայությանը հղումով:
Ընկերության ներկայացուցիչների խոսքով՝ դրանում պատկերված են ռեստորանի գլխավոր խորհրդանիշները՝ երկու ձողիկներ կարտոֆիլ ֆրի և բուրգեր։ Մամուլի ծառայությունից հավելեցին, որ տարբերանշանը տեղադրված է կանաչ ֆոնի վրա, որը խորհրդանշում է ապրանքների և ծառայությունների որակը:
Այսօր ցանցը սկսում է նոր գովազդային արշավ, որը կօգտագործի այս տարբերանշանը, գրում է թերթը։ Միաժամանակ ընկերության ներկայացուցիչները նշել են, որ նոր ռեստորանային ցանցի անվանումը դեռ ընտրված չէ։
Ավելի վաղ РИА Новости-ն հայտնել էր, որ McDonald’s ռեստորանների ցանցի նոր սեփականատերերը լոգոների գրանցման երկու հայտ են ներկայացրել Rospatent-ին։ Հաջորդ օրը հայտնի են դարձել հունիսի 12-ին Մոսկվայում և Մոսկվայի մարզում բացվող առաջին 15 ռեստորանների հասցեները:
Աղբյուրը՝ Snob.ru:
Թարգմանեց՝ Աստղ Խաչատրյանը։
