Ֆրանսիայի նախագահ Էմանուել Մակրոնը դեռ չի որոշել, թե երբ է այցելելու Կիև։ Այս մասին հայտարարել է Ֆրանսիայի կառավարության խոսնակ Օլիվիա Գրեգուարը։
«Էմանուել Մակրոնը միշտ ասում էր, որ իր ժամանակին կայցելի Կիև։ Դեռ ոչինչ որոշված չէ», – մեջբերում է ՌԻԱ Նովոստին։
Ուկրաինայում Ֆրանսիայի դեսպանի առաջին խորհրդական Բրունո Կասանելը ավելի վաղ հայտնել էր, որ Ֆրանսիայի նախագահը Կիև կժամանի հունիսի 15-ին։ Բացի այդ, լրատվամիջոցներն ավելի վաղ հայտնել էին, որ հունիսի 16-ին Ուկրաինայի մայրաքաղաք կժամանեն Գերմանիայի կանցլեր Օլաֆ Շոլցը, Ֆրանսիայի նախագահ Էմանուել Մակրոնը և Իտալիայի վարչապետ Մարիո Դրագին։
