«Ահա և վերջ. Ընդդիմադիրները գլխիկոր, համակերպված իրենց պարտության հետ, ինքնակամ ու անցնցում գնում են տուն:
Անկասկած, այս 40 օրերի ընթացքում ամուր նյարդեր էին հարկավոր, ինչի համար շնորհակալություն մեր ոստիկաններին՝ օրինականությունն ու կարգուկանոնը պահպանելու համար: Նաև շնորհակալություն մեր քաղաքացիներին՝ պատճառված այդքան անհարմարություններին ըմբռնումով մոտենալու համար»,-գրել է ՀՀ ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյանը՝ անդրադառնալով ընդդիմադիրների մեկ ու կես ամիս տեւած ահնազանդության ակցիաների դադարեցմանը:
Նշենք, որ Ֆրանսիայի հրապարակից արդեն հանվել են ընդդիմադիրների վրանները։
Հիշեցնենք՝ «Դիմադրություն» շարժման առաջնորդներից ՀՅԴ-ական Իշխան Սաղաթելյանը Ֆրանսիայի հրապարակում երեկ անցկացվող հանրահավաքի ժամանակ հայտարարել էր, որ վրանները հանում են հրապարակից: Այսօր արդեն Ֆրանսիայի հրապարակը ազատ է երթևեկելու համար:
