Լյովա Կատվալյանի անվան թիվ 86 մանկապարտեզը հիմնադրման 30-ամյակը նշում է հիմնանորոգված շենքում: Կրթօջախը հունիսի 15-ին շուրջ 150 փոքրիկների առջև իր դռներն է բացել լուսավոր, գունավոր ու հարմարավետ խմբասենյակներով:
Այս մասին հայտնում են Երևանի քաղաքապետարանի աշխատակազմից։ Երեխաների կրթության ու դաստիարակության համար ստեղծված պայմաններին ծանոթացել է Երևանի քաղաքապետի առաջին տեղակալը: Լևոն Հովհաննիսյանը շրջել է մանկապարտեզում, զրուցել փոքրիկների հետ: Կարևոր այս նախագիծն իրագործվել է համայնքային բյուջեի միջոցներով:
