Արթուր Վանեցյանը եղել է այս շարժման կարևոր մասնակիցներից մեկը, թե իր հետագա որոշումները ինչպիսին կլինեն, դա պետք է հայտնի նա:
Այս մասին այսօր հրավիրված ասուլիսի ժամանակ հայտարարեց ՀՀ ԱԺ փոխխոսնակ, ՀՅԴ-ական Իշխան Սաղաթելյանը՝ արձագանքելով լրագրողների հարցերին՝ Վանեցյանի պայքարը շարունակել-չշարունակելու վերաբերյալ:
«Արթուր Վանեցյանը դեռևս ապրիլի 18-ից հայտարարել էր իր նպատակների՝ փողոցային պայքարի մասին: Իր հայտարարությունից առաջ, իր պայքարի ընթացքում ու մինչև երեկ եղել ենք ակտիվ կապի մեջ, քննարկել ենք այն որոշումները, որ հայտարարվել է այս հրապարակից: Եղել է կարևոր մասնակիցներից մեկը: Իր կուսակցությունով այս պայքարը միասին բերել ենք, հասցրել ենք այստեղ: Իր հետագա որոշումների մասին պետք է նա հայտնի»,- ասաց Սաղաթելյանը:
Նրա խոսքով՝ պայքարից դուրս գալու, այլ գործունեությամբ կամ պայքարից հետ կանգնելու մասին Վանեցյանը դեռևս ոչինչ չի հայտնել: Սաղաթելյանի հավաստմամբ՝ մեծապես կարևորում է ու արժևորում է այն ճանապարհը, որ անցել են Վանեցյանի հետ միասին:
Հիշեցնենք՝ ՀՀ Ազգային ժողովի ընդդիմադիր «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը ապրիլի 17-ին «Ֆեյսբուք» սոցիալական ցանցի իր էջի ուղիղ եթերի միջոցով հայտարարեց, որ գտնվում է Ազատության հրապարակում և չի պատրաստվում տուն գնալ: Դրանից օրեր հետո խորհրդարանական ընդդիմադիր երկու խմբակցությունները հայտարարեցին, որ սկսում են փողոցային պայքար: Հանրահավաքներին ու երթին ակտիվ մասնակցում էր նաև Արթուր Վանեցյանը մինչև այն օրը, երբ հայտնի դարձավ, որ վերջինս բուժման նպատակով մեկնել է արտերկիր: Արտերկրից վերադառնալուց հետո Վանեցյանն այլևս նկատելի չէր հանրահավաքների և երթերի ժամանակ:
Ամերիկյան The Military Watch Magazine հանդեսը հաստատել է, որ Իրանի արձակած բալիստիկ հրթիռները խոցել են…
Չնայած Իրանի հասցեին եվրոպական երկրների կոշտ հայտարարություններին, հոկտեմբերի 2-ին Իսլամական հանրապետության արտաքին գործերի նախարար Աբաս…
Կոպենհագենի ոստիկանությունը հայտնել է, որ չորեքշաբթի լուսադեմին երկու պայթյուն է տեղի ունեցել Իսրայելի դեսպանատան մոտ,…
ՄԱԿ-ի գլխավոր քարտուղար Անտոնիո Գուտերեշը դատապարտել է Իրանի հարձակումն Իսրայելի վրա՝ ասելով, որ նման գործողությունները…
Ճանապարհաշինական աշխատանքներով պայմանավորված՝ հոկտեմբերի 2-ից մինչև նոյեմբերի 15-ը՝ ժամը 23:00-ից 07:00-ն փուլ առ փուլ՝ միակողմանի…
Իրանի նախագահ Մասուդ Փեզեշքիանը կմեկնի Կատար՝ մասնակցելու «Ասիական համագործակցության երկխոսության» անդամների նիստին։ Նրա այցը տեղի…