Ուկրաինայի նախագահ Վլադիմիր Զելենսկին Կիևում հանդիպել է Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի և Իտալիայի վարչապետ Մարիո Դրագիի հետ։ Այս մասին հայտնում է Reuters-ը
Ուկրաինական լրատվամիջոցները հրապարակել են լուսանկարներ, որտեղ պատկերված են բոլոր քաղաքական գործիչները։ Եվրոպացիները հագել են պաշտոնական կոստյումներ և փողկապներ, մինչդեռ Զելենսկին հանդիպել է իր արևմտյան գործընկերներին զինվորական շապիկով և ծովային զինվորական տաբատով:
Մակրոնը, Շոլցը և Դրագին Կիև են ժամանել հունիսի 16-ի առավոտյան Լեհաստանից գնացքով։ Reuters-ի փոխանցմամբ՝ քաղաքական գործիչները Զելենսկու հետ պետք է քննարկեն Եվրամիությանն Ուկրաինայի անդամակցության հարցը։
Ինչպես ավելի վաղ հայտնել էինք, Ֆրանսիայի, Գերմանիայի և Իտալիայի ղեկավարները ժամանել են Կիև։
