«Մանդատներից զրկելու մասին։
Ես լավ հասկանում եմ հարցի բարդությունը թե ներքաղաքական, թե արտաքին քաղաքական արձագանքների տեսանկյունից։
Բայց այստեղ մի կարևոր բայց կա։
Ոչ ոք չի ասում,թե ռևանշիստ պատգամավորներին զրկեք նրանց հակաիշխանական պահվածքի համար։ Եթե դա լինի ելակետ, ես էլ համաձայն չեմ, քանի որ այն թե ներսում, թե դրսում կդիտվի որպես քաղաքական մահակ ու քինախնդրություն, որն էլ կսասանի իշխանության հեղինակությունը։
Բայց Հայաստան պետությունը ունի իր Սահմանադրությունը և պետք է շարժվել բացառապես սահմանադրությամբ;
Եթե Սահմանադրւթյունը ասում է, որ այսինչ պատգամավորը խախտել է նորմ, որի պայմաններում նա պետք է զրկվի մանդատից, ուրեմն պետք է զրկվի։ Անվերապահ ու առանց բացառության, պետք է զրկվի;
Այդ դեպքում մենք, մեր ժողովրդին ու արտաքին աշխարհին հեշտությամբ կբացատրենք մեր քայլերի տրամաբանությունը։
Իսկ այն, որ հայտնի խմբակի որոշ պատգամավորներ խախտել են Մայր օրենքը, ակնհայտ է;
Ուրեմն,առանց կաշկանդվելու նրանց պետք է զրկել մանդատներից»,-գրել է «Հանրապետություն» կուսակցության անդամ Լյովա Եղիազարյանը։
