Լեհաստանի արտգործնախարարության խոսնակ Լուկաշ Յասինան կոչ է արել Եվրամիությանը հնարավորինս շուտ քննարկել Ռուսաստանի դեմ պատժամիջոցների նոր փաթեթը։
Այս մասին գրում է «Գազետա ռու»-ն:
«Մենք խոսում ենք պատժամիջոցների ընդլայնման մասին։ Կարծում ենք, որ յոթերորդ փաթեթը պետք է հնարավորինս շուտ նախաձեռնել։ Մենք պետք է շարունակենք ճնշումը»,-ասել է նա «Welt am Sonntag»-ին:
Մինչ այդ Լեհաստանի արտգործնախարար Զբիգնև Ռաուն Ավստրիայի իր գործընկեր Ալեքսանդր Շալենբերգի հետ բանակցություններից հետո ասել էր, որ Վարշավան ԵՄ-ին առաջարկում է հակառուսական պատժամիջոցների յոթերորդ փաթեթում ներառել Ռուսաստանի Դաշնության բոլոր էներգակիրները և բանկերը։
