Հաշվետու ժամանակահատվածում բացօթյա ապօրինի առևտուր իրականացնելու դեպքերով կազմվել է վարչական իրավախախտման վերաբերյալ 74 արձանագրություն, ընթացքում է գտնվում թվով 104 վարչական վարույթ: Այս մասին այսօր Երևանի քաղաքապետարանի գործակարգավարական նիստին Երևանի քաղաքապետ Հրաչյա Սարգսյանին զեկուցեցին մեկ շաբաթվա տվյալները:
Քաղաքապոետը նշեց, որ Աջափնյակ վարչական շրջանում նոր երևույթ է նկատվում և Մարգարյան-Փուչիկ խաչմերուկի վրա բանջարեղենների վաճառքը մայթերից գրեթե փողոց է հասել:
«Պարոն քաղաքապետ ամենօրյա հսկողություն ենք իրականացնում այդտեղ, խնդիր կա, տուգանում ենք, նորից մեկա իրենք շարունակում են նույն կերպ անել»,-զեկուցեցին քաղաքապետին:
Քաղաքապետը արձագանքելով առաջարկեց. «Տուգանեք, եկեք կողքը կանգնեք, նորից տուգանեք, տենց հինգ անգամ տուգանեք: Բացի այդ՝ ես վստահ եմ, որ անօրինական մուտք է բացած այդ շենքից, դրա գործարնական նշանակությունը հետաքրքրվեք»,-հանձնարարեց Հրաչյա Սարգսյանը:
