Արթուր Վանեցյանը, մանդատից հրաժարվելով, պատին է դեմ տվել «Հայաստան» ու «Պատիվ ունեմ» խմբակցություններին:
Այս մասին գրել է քաղաքագետ Ստյոպա Սաֆարյանը՝ անդրադառնալով Վանեցյանի՝ մանդատը վայր դնելուն և դրան հաջորդած քաղաքական զարգացումներին, նշելով.
«Մանդատը վայր չդնողները թերևս ապացուցելու են, որ իրենց անձնապես պետք է պատգամավորական անձեռնամխելիությունը ունեցվածքն ու գույքը փրկելու, կարգավիճակի կամ աշխատավարձի համար։
Դրանով իսկ ապացուցելու է, որ Արցախի դրոշն ընդամենը պատրվակ էր։ Ինքը ասում է, որ այդ խնդիրը չունի ու իր տեքստում կրկին ազգային հարցեր է դրել: Վատ քայլ չէ ընդդիմության դաշտում սեփական տեղն ամրապնդելու համար»:
Հիշեցնենք՝ երեկ հայտնի դարձավ, որ «Պատիվ ունեմ» խմբակցության ղեկավար Արթուր Վանեցյանը պատգամավորական մանդատը վայր է դրել։
