Ռուսաստանում ածխաթթու գազի (CO2) պակաս կա գազավորված ըմպելիքների արտադրության համար, գրում է Коммерсант-ը՝ հղում անելով ոլորտի ներկայացուցիչներին։
Զովացուցիչ ըմպելիքներ արտադրող խոշոր ընկերություններից մեկի աղբյուրի համաձայն, ածխաթթու գազի գնման հետ կապված դժվարություններ են առաջացել մայիսի վերջին-հունիսի սկզբին, և այդ բաղադրիչի պակասը դեռևս գնահատվում է 10-15%:
Մոսկվայի ոչ ալկոհոլային գարեջրային գործարան «Очаково» -ի գլխավոր տնօրեն Յուրի Անտոնովն ասել է, որ ընկերությունը վերջին երկու շաբաթվա ընթացքում ածխաթթու գազի «կրիտիկական դեֆիցիտ» է զգում և ստիպված է հարմարեցնել իր արտադրության ծրագիրը: Չեռնոգոլովկայի ընկերությունների խումբը նշում է, որ հուլիսին գազավորված ըմպելիքների 15-20%-ը վտանգի տակ կլինի, եթե հնարավոր չլինի ձեռք բերել բավարար քանակությամբ ածխաթթու գազ։
Ածխաթթու գազը պարարտանյութերի արտադրության կողմնակի արտադրանք է, որի մատակարարումը արտաքին շուկաներ սկսել է նվազել պատերազմի հետ կապված ճգնաժամի պատճառով, պարզաբանել է հրատարակության զրուցակիցներից մեկը։ Բացի այդ, նա կարծում է, որ ածխաթթու գազի պահանջարկը այլ ճյուղերից, օրինակ՝ քիմիական արդյունաբերությունից, կարող է աճել, և որոշ գործարաններ, որոնք արտադրում են CO2, կարող են սկսել պլանային վերանորոգումը:
Իր հերթին, քիմիական խոշորագույն արտադրողներից մեկի աղբյուրը «Կոմերսանտ»-ին հայտնել է, որ Ռուսաստանում ածխաթթու գազի պակաս չկա՝ նշելով, որ դրա պահանջարկն աճել է ըմպելիք արտադրողների կողմից։ Հյութերի, ջրի և ըմպելիքների արտադրողների միության (Սոյուզնապիտկի) նախագահ Մաքսիմ Նովիկովը նույնպես հայտարարեց պահանջարկի ավելացման մասին՝ դա, ի թիվս այլ բաների, կապելով այն փաստի հետ, որ ըմպելիք արտադրողները, փաթեթավորման սակավության պատճառով, սկսեցին անցնել ավելի մեծ տարաների։
Ուկրաինա ռուսական ներխուժման սկզբից հետո բազմաթիվ միջազգային ընկերություններ հայտարարեցին Ռուսաստանի Դաշնությունում աշխատանքի դադարեցման կամ ռուսական շուկայից դուրս գալու մասին։ Նրանց թվում խմիչքների խոշորագույն արտադրողներն են Կոկա-Կոլան և ՊեպսիԿոն։ Coca-Cola-ն հայտարարել է, որ դադարեցնում է գործունեությունը Ռուսաստանում և վաճառում է իր արտադրանքի պաշարները, իսկ PepsiCo-ն հայտարարել է, որ դադարեցնում է իր ամենահայտնի խմիչքների՝ Pepsi, Mirinda և 7Up արտադրությունը ռուսական գործարաններում:
Աղբյուրը՝ Meduza.io:
Թարգմանեց՝ Աստղ Խաչատրյանը։
