«Այսօր ընդունել եմ Համաշխարհային բանկի ներկայացուցիչներին։
Անդրադարձել ենք առողջապահության ոլորտում իրականացվող բարեփոխումներին։ Մասնավորապես, քննարկել ենք առողջության համապարփակ ապահովագրության համակարգի վերաբերյալ մի շարք հարցեր։
Խոսել ենք նաև նախկինում կատարված աշխատանքների մասին և քննարկել ապագա քայլերը, թե ինչ մեխանիզմներ ու ռեսուրսներ են անհրաժեշտ համակարգի ներդրման համար։
Իմ հերթին նշել եմ, որ գործող նախագիծը փոփոխելու առաջարկով եմ հանդես եկել, որն այս պահին գտնվում է քննարկումների փուլում։
Համաշխարհային բանկի ներկայացուցիչներն իրենց պատրաստակամությունն են հայտնել աջակցություն տրամադրել Հայաստանին՝ ծրագիրը կյանքի կոչելու համար»,- գրել է ՀՀ Ազգային ժողովի «Քաղաքացիական պայմանագիր» խմբակցության պատգամավոր Արսեն Թորոսյանը։
