«Հայաստանի դատական համակարգը ազատվեց ամենաարատավորված դատավորներից մեկից։ Կենտրոնի դատարանում նրա պաշտոնավարման ընթացքում անձնապես Ռուբեն Վարդազարյանի ուղիղ հանձնարարությամբ ոտնահարվել են հազարավոր մեր հայրենակիցների իրավունքները։ Նրանցից շատերը հենց այս անձի կայացրած ապօրինի, վերևից իջեցված հրահանգներով ստիպված են եղել արտագաղթել հայրենիքից, նրանցից ոմանք ունեզրկվել են, մի մասի ճակատագիրն էլ ուղղակի խեղվել է։
Դատական համակարգը արմատական զտման կարիք ունի։ Դատական համակարգում անմխիթար վիճակի թիվ մեկ պատասխանատուները մնում են հեղափոխությունից հետո ոլորտային պատասխանատու նախարարներն ու Ազգային ժողովը, որոնք այդպես էլ բավարար կամք և խիզախություն չդրսևորեցին հիմնահատակ մաքրելու համակարգը արատավոր հանցագործ դատավորներից»,- գրել է «Հանուն հանրապետության» կուսակցության նախագահ Արման Բաբաջանյանը։
Նշենք, որ ԲԴԽ-ն դադարեցրել է Ռուբեն Վարդազարյանի լիազորությունները։
