Այսօր՝ հունիսի 23-ին մեկնարկել է ԵՄ գագաթնաժողովը, որին կազմակերպության անդամ երկրները կքննարկեն Վրաստանին, Ուկրաինային և Մոլդովային թեկնածուի կարգավիճակ տրամադրելու հարցը:
Եվրոպական խորհրդի նախագահ Շառլ Միշելը Եվրոպական խորհրդի նիստից առաջ վստահություն է հայտնել, որ խորհուրդը թեկնածուի կարգավիճակ կտա Ուկրաինային և Մոլդովային։
Ըստ Միշելի՝ Վրաստանի համար էլ խորհուրդն արտահայտում է հստակ և ուժեղ եվրոպական հեռանկար։
«Սա վճռորոշ պահ է Եվրամիության համար»,- եզրափակել է Միշելը։
Նշենք, որ Եվրոպական խորհրդի նիստը, որը մեկնարկել է այսօր, կշարունակվի նաև վաղը՝ հունիսի 24-ին:
CNN-ը՝ վկայակոչելով ԵՄ-ում իր աղբյուրներին, ավելի վաղ հայտնել է, որ կազմակերպության անդամ երկրների 27 ղեկավարները, ինչպես սպասվում է, միաձայան կաջակցեն Ուկրաինային և Մոլդովային՝ որպես թեկնածու երկրների։
