Ռուսաստանի Դաշնությունում, Ռյազան քաղաքում ռազմական ինքնաթիռ է ընկել, կան զոհեր:
Նախնական տվյալներով՝ Ռյազանում Իլ-76 ինքնաթիռի վթարի զոհերի թիվը հասել է չորսի։ Այս մասին ՏԱՍՍ-ին հայտնել է արտակարգ ծառայությունների աղբյուրը։
ՊՆ-ն Ռյազանի մոտ Իլ-76-ի կոշտ վայրէջքի պատճառը համարել է շարժիչի անսարքությունը.
«Ինքնաթիռը կործանվել է շարժիչի հանկարծակի բռնկման հետևանքով։ Նախնական տվյալներով 4 մարդ մահացել է, հինգը՝ հոսպիտալացվել», – ասել է աղբյուրը։
Նրա խոսքով՝ ինքնաթիռը թռչում էր Բելգորոդ-Օրենբուրգ երթուղով, կանգ էր առնելու Դյագիլևոյում՝ լիցքավորման համար։
«Շրջանային կառավարության օպերատիվ խումբը հայտնում է, որ, ըստ նախնական տեղեկությունների, Ռյազան քաղաքի Միխայլովսկի մայրուղու տարածքում տեղի ունեցած ավիավթարի հետևանքով չորս մարդ է զոհվել, ևս հինգ մարդ տարբեր ծանրության վնասվածքներով գտնվում են Ռյազանի բուժհաստատություններում, ցուցաբերվում է անհրաժեշտ բուժօգնություն։ Տուժածների վիճակը կայուն է։
Արտակարգ իրավիճակների ծառայության աղբյուրի փոխանցմամբ՝ տուժածներից մեկը գտնվում է վերակենդանացման բաժանմունքում։
