Բելառուսի մայրաքաղաք Մինսկ է ժամանել Ռուսաստանի Դաշնության գլխավոր դատախազ Իգոր Կրասնովը:
Այցի ընթացքում նա կունենա մի շարք երկկողմ հանդիպումներ, կկայանա նաև եռակողմ հանդիպում Ադրբեջանի և Հայաստանի գլխավոր դատախազներ Քամրան Ալիևի և Արթուր Դավթյանի հետ, որի ընթացքում կքննարկվեն նախկինում ձեռք բերված պայմանավորվածությունների կատարման ընթացքը։
Այս մասին հայտնում է «Տասս» գործակալությունը:
Հիշեցնենք՝ ՀՀ գլխավոր դատախազ Արթուր Դավթյանը արդեն 2 օր է՝ գտնվում է Մինսկում, որտեղ սպասվում է ԱՊՀ անդամ պետությունների գլխավոր դատախազների համակարգող խորհրդի 32-րդ նիստը, ինչպես նաև Բելառուսի Հանրապետության դատախազության հիմնադրման 100-ամյակին նվիրված միջոցառումներ:
