Ուկրաինայի դեմ Ռուսաստանի պատերազմը, ամենայն հավանականությամբ, կավարտվի բանակցությունների ճանապարհով, հայտարարել Է ՆԱՏՕ-ի գլխավոր քարտուղար Յենս Ստոլտենբերգը El Pais-ին տված հարցազրույցում:
Ամենայն հավանականությամբ, այդ պատերազմը կավարտվի բանակցությունների սեղանի շուրջ։ Մեր պարտականությունն է ապահովել Ուկրաինային առավելագույն ուժեղ դիրքորոշում և օգնել նրան մնալ ինքնիշխան և անկախ եվրոպական ազգ ։ Եվ դա անելու լավագույն միջոցը հզոր ռազմական աջակցություն ցուցաբերելն է, տնտեսական աջակցությունը և Ռուսաստանի դեմ խիստ պատժամիջոցներ սահմանելը։
Այսպես Սթոլթենբերգը պատասխանել է այն հարցին, թե կավարտվի արդյոք պատերազմը բանակցությունների սեղանի շուրջ, թե կողմերից մեկի լիակատար պարտությամբ ։ Մեկ շաբաթ առաջ Bild-ին տված հարցազրույցում Յենս Սթոլթենբերգն ասել էր, որ Ուկրաինայում պատերազմը կարող է տեւել մի քանի տարի: “մենք պետք է պատրաստվենք նրան, որ դա կարող է տեւել տարիներ”, – ասել է Նա:
Վերջին անգամ Ռուսաստանի եւ Ուկրաինայի պատվիրակությունները մարտի վերջինբանակցություններ են անցկացրել Ստամբուլում, այնուհետեւ նրանք տեսակապով են շփվել: Մայիսին կողմերի ներկայացուցիչները հայտնել էին, որ բանակցությունները դադարեցվել են։
Հունիսին Ուկրաինայի պատվիրակության ղեկավար Դավիթ Արահամիան հայտնել էր, որ խաղաղ բանակցությունները կարող են վերսկսվել օգոստոսի վերջին, իսկ մինչ այդ “մենք հակահարձակման գործողություն կանցկացնենք որոշ տեղերում”: Կրեմլում Արախամիայի խոսքերն անվանել են”ուկրաինական բանակցությունների պերճախոս դրսեւորում”:
Աղբյուրը՝ Meduza.io:
Թարգմանեց՝ Աստղ Խաչատրյանը։
