Ես հավասարապես պատրաստ եմ և տեսնում եմ իրացված ինչպես Վճռաբեկ դատարանի դատավորի պաշտոնում, այնպես էլ` ՍԴ դատավորի պաշտոնում: Այս մասին ասյօր Ազգային ժողովում ասաց Վճռաբեկ դատարանի վարչական պալատի դատավորի թափուր տեղի համար առաջադրված թեկնածու Արտակ Զեյնալյանը:
«Պայմանավորված իրերի այս դասավորվածությամբ՝ այն, որ ես նաև առաջադրվել եմ Վճռաբեկ դատարանի դատավորի թեկնածու, ես ուզում եմ իմ գործընկերներին ու իմ եղբորը՝ Նարեկին, ասել, որ ազատ եք, պարտավորված և կաշկանդված չեք այն հանգամանքով, որ քվեաթերթիկում իմ անունը լինելու է՝ նկատի ունենալով, որ ես ավելի շատ ինձ տեսնում եմ ՍԴ դատավորի պաշտոնում»,- ասաց նա:
Արտակ Զեյնալյանն իր ելույթում ասաց, որ մեզ մոտ դատավորների թիվը շուրջ երեք անգամ պակաս է, քան անհրաժեշտ է ժողովրդավարական հասարակարգում և դրանով պայմանավորված՝ դատավորների մատչելիությունն է նվազում, ողջամիտ ժամկետում գործի քննության իրավունքն է տուժում:
