Քննրակումը տարօրինակ է, երբ ասում են ինչու չեք պատասխանում լրատվամիջոցների ուղիղ հարցերին, եթե այդ հարցերը հնչում են եթերի ժամանակ:
Առցանց ասուլիսի ժամանակ այս մասին ասաց ՀՀ վարչապետ Նիկոլ Փաշինյանը, անդրադառնալով մի շարք լրատվամիջոցների հայտարարած բոյկոտին:
Փաշինյանի խոսքով՝ ասուլիսը բոյկոտել են քաղաքական այն շրջանակներին ծառայող լրատվամիջոցները, որոնք վերջին շրջանում բոյկոտային գործողություն են ծավալել:
Նրա դիտարկմամբ՝ եթե ասուլիսը չլիներ առնցանց, լրատվամիջոցները կրկին առիթ կգտնեին բոյկոտելու, կամ էլ հարց կհնչեցնեին, սակայն չէին ստանա իրենց ուզած պատասխանը և կրկին կբոյկոտեին:
«Այդ լրատվամիջոցների ղեկավարները խորհրդարանական ընտրություններում բոյկոտեցին ուղիղ եթերում բանավիճելու հնարավարությունը: Ես չտեսա այդ նույն լրատվամիջոցների բոյկոտը նույն քաղաքական գործիչների նկատմամբ, որոնք չեկան ու հանրության առաջ բանավեճի չմասնակցեցին: Ասուլիսը հանրության հետ շփվելու միջոց է, իսկ հիմա մենք հանրության հետ շփվում ենք»,-ասաց նա:
Վարչապետը մտավախություն հայտնեց՝ միգուցե այն նույն լրատվամիջոցները գան ոչ առցանց ասուլիսի և այն կաթվածահար անեին.«Օրինակ՝ գան և կրծով փակեն ուղիղ եթեր սարքը: Իրենց ղեկավարներն էլ Կառավարություն-ԱԺ հարցուպատասխանն են բոյկոտում: Հարցը տալիս են, փորձում ենք պատասխանել, դահլիճից փախչում էին»,-ասաց նա:
