Մեծ Բրիտանիայի վարչապետ Բորիս Ջոնսոնը հրավիրել է ռուս գիտնականներին աշխատանքի անցնելու Միացյալ Թագավորությունում։ Այս մասին հայտնում է The Guardian-ը։
Ջոնսոնի կոչը, որը նա արել է Բավարիայում G7-ի գագաթնաժողովի շրջանակներում, վերաբերում է Ռուսաստանի այն գիտնականներին, ովքեր համաձայն չեն Կրեմլի քաղաքականությանը Ուկրաինայում ռազմական գործողության վերաբերյալ և այլևս ապահով չեն զգում իրենց հայրենիքում։
«Դուք կարող եք վստահ դիմել Մեծ Բրիտանիա տեղափոխվելու և աշխատելու մի երկրում, որը գնահատում է բաց լինելը, ազատությունը և գիտելիքի հանդեպ ձգտումը», – ասել է վարչապետը։
Ռուս գիտնականների տեղափոխումը Մեծ Բրիտանիա հնարավոր կլինի ուկրաինական համալսարանների հետ Լոնդոնի շարունակական գործընկերության շրջանակներում, որը թույլ է տալիս Ուկրաինայի մասնագետներին գիտությամբ զբաղվել Բրիտանիայում:
Նախագծին կարող են մասնակցել գիտնականներ, որոնց կյանքին, ազատությանը կամ մասնագիտական գործունեությանը վտանգ է սպառնում, ինչպես նաև նրանց, ովքեր ստիպված են եղել լքել երկիրը քաղաքական իրավիճակի պատճառով։
Աղբյուրը՝ Pravilamag.ru
Թարգմանությունը՝ Աստղ Խաչատրյանի
