Ալկոհոլի աշխարհի խոշորագույն արտադրող Diageo-ն հայտարարել է, որ որոշում է կայացրել «Ռուսաստանում առևտրային գործունեության հարկադիր աստիճանական կրճատման մասին»։ Այս մասին ասվում է ընկերության ղեկավարության նամակում, որն ուղարկվել է աշխատակիցներին և գործընկերներին, հայտնում է «Осторожно, новости» նախագիծը։
Ընկերության ներկայացուցիչը Կոմերսանտին հաստատել է, որ Diageo-ն հեռանում է Ռուսաստանից։ «Մարտին արտահանումը դադարեցնելուց և պատրաստի արտադրանքը Ռուսաստանում մեր հաճախորդներին վաճառելուց հետո մենք դժվար որոշում կայացրինք՝ ստիպված եղանք աստիճանաբար դադարեցնել առևտրային գործունեությունը երկրում», – ասաց նա:
Ընկերությունը կարծում է, որ դրա համար կպահանջվի մոտ վեց ամիս։ Այս ամբողջ ընթացքում Diageo-ն պատրաստվում է աջակցել աշխատակիցներին՝ ներառյալ նրանց տրամադրելով «ընդլայնված փոխհատուցման փաթեթ»: «Осторожно, новости»-ն գրում է, որ ընկերությունը կկրճատի 299 աշխատակցի։
РИА Новости-ի աղբյուրը հայտնել է, որ Diageo-ն ամբողջությամբ դադարեցրել է ապրանքների առաքումն ու վաճառքը Ռուսաստանում։
Diageo-ն ալկոհոլ է մատակարարել Ռուսաստանում 70000 խանութների և 19000 ռեստորանների ու բարերի: Մարտի 3-ին՝ Ուկրաինա ռուսական ներխուժումից մեկ շաբաթ անց, ընկերությունը հայտարարեց, որ ժամանակավորապես կդադարեցնի լիկյորի ներմուծումը Ռուսաստան։ Դրանից հետո ընկերությունը վաճառել է իր պահուստները Ռուսաստանում։
