Այսօր՝ հունիսի 30-ին, 44-օրյա պատերազմում զոհված և անհետ կորած որոշ զինծառայողների ծնողներ ՀՀ գլխավոր դատախազության դիմաց բողոքի ակցիա են իրականացրել:
Նրանք հանդիպում են պահանջել ՀՀ գլխավոր դատախազ Արթուր Դավթյանի հետ՝ վերջինիս հարցեր հղելու համար:
Ակցիայի ընթացքում միջադեպ է տեղի ունեցել զոհվածների, անհետ կորածների հարազատների և այլ քաղաքացիների միջև: Ըստ մամուլում շրջանառվող լուրերի՝ անցորդներից մեկը հարվածել է զոհվածներից մեկի ծնողին, ինչից հետո քաշքշուկ է սկսվել, կողմերը միմյանց հայհոյել են:
Տեղում ծառայություն են իրականացրել մեծ թվով ոստիկաններ, որոնք պահել են հասարակական կարգը:
