Ուկրաինայի արտակարգ իրավիճակների պետական ծառայության տվյալներով՝ Օդեսայի շրջանի վրա հրթիռային հարձակումից հետո, վերջին տվյալներով, մահացել է 18 մարդ, այդ թվում՝ մեկ երեխա։
Ուկրաինայի ցամաքային զորքերի «Հարավ» օպերատիվ հրամանատարության տվյալներով՝ հուլիսի 1-ի գիշերը Տու-22 ինքնաթիռը հրթիռային հարված է հասցրել Օդեսայի մարզի Բելգորոդ-Դնեստրովսկի շրջանի Սերգեևկա գյուղին։ Ենթադրվում է, որ երեք X-22 հրթիռներ խոցել են 9-հարկանի բնակելի շենք և երկու հանգստի կենտրոն։ Տան մուտքն ամբողջությամբ ավերվել է, գրում է «Думская»-ն։
Առավոտյան ժամը 9:00-ի դրությամբ հայտնի է, որ 16 մարդ է զոհվել շենքի վրա հարվածի հետևանքով, ևս երկուսը զոհվել են հանգստի կենտրոններից մեկին հրթիռի հարվածի պատճառով։ Բնակելի շենքում տուժել է 30 մարդ, այդ թվում՝ երեք երեխա, մեկ հոգի վիրավորվել է հանգստի կենտրոնում։
Ծանր վնասվածքներով մարդիկ հոսպիտալացվել են։ Փրկարարական աշխատանքները շարունակվում են։
Աղբյուրը՝ Meduza.io
Թարգմանեց՝ Աստղ Խաչատրյանը
