Ուկրաինայի իշխանությունները հուլիսի 1-ին վիզային ռեժիմ են սահմանել Ռուսաստանի քաղաքացիների համար։
Ուկրաինական վիզա ստանալու համար Ռուսաստանի բնակիչները կարող են դիմել Ռուսաստանի ութ քաղաքների VFS Global վիզաների կենտրոններից մեկին, ավելի վաղ հայտնել էր Ուկրաինայի ԱԳՆ-ն։ Ներկայացված հայտերը կքննարկվեն երրորդ երկրներում գտնվող ուկրաինացի դիվանագետների կողմից։
Ուկրաինայի նախագահ Վլադիմիր Զելենսկին, հայտարարելով ռուսների համար վիզաների մասին, հունիսի կեսերին ասել էր, որ իշխանությունները նման քայլի են դիմել «ազգային անվտանգությանն ուղղված աննախադեպ սպառնալիքներին դիմակայելու շրջանակներում»։
Ուկրաինայի իշխանությունները նշել են, որ վիզան չի երաշխավորում մուտքը երկիր. վերջնական որոշումը կլինի ուկրաինացի սահմանապահներին։
ՌԴ ԱԳՆ-ն հայտարարել է, որ հնարավոր պատասխան միջոցները կարող են ձեռնարկվել «ռուսական ազգային շահերից ելնելով և հումանիտար բաղադրիչը հաշվի առնելով»։
Աղբյուրը՝ Meduza.io
Թարգմանությունը՝ Աստղ Խաչատրյանի
